Not Logged in
SARL Nuus



Home

Bulletin by e-mail
Bulletin Archive


SUID-AFRIKAANSE RADIOLIGA NUUS VIR SONDAG 23 FEBRUARIE 2020

GoeiemŰre en welkom by die weeklikse nuus uitsending van die Suid-Afrikaanse Radioliga, gelees deur ________________________ (jou naam, roepsein en QTH)

Die Suid-Afrikaanse Radioliga saai elke Sondag nuus bulletins in Afrikaans sowel as Engels om 08:15 en 08:30 Sentraal Afrika Tyd onderskeidelik uit op HF sowel as op verskeie BHF- en UHF-herhalers. Hierdie uitsendings word ook via Echolink herlei deur ZS6JPL. ' Ďn Oudio opname sowel as Ďn teks weergawe kan van die Liga se webblad, www.sarl.org.za, afgelaai word en jy kan ook daar inteken om nuwe bulletins per e-pos te ontvang.

In die nuus vandag:

DIE SARL RTD KOMPETISIE VANMIDDAG

DIE FINANSIňLE STATE VAN SARL VIR DIE JAAR GEňINDIG 30 JUNIE 2019

en

VIER GG KONTAKTE PER DAG SERTIFIKATE

Bly ingeskakel vir meer inligting oor hierdie en ander interessante nuusitems.

DIE SARL RTD KOMPETISIE VANMIDDAG

Die SARL RTD kompetisie vind vanmiddag van 14:00 UTC tot 17:00 UTC plaas met aktiwiteite op 80, 40 en 20 meter. Die uitruiling is 'n RSQ-verslag en jou ruit vierkant (eerste 4 syfers). Logstate in ADIF-, Cabrillo- of MS Excel-formaat met 'n opsommingsblad en met die naam ďjou roepsein Digitale kompetisie,Ē moet teen 2 Maart 2020 per e-pos aan contest@sarl.org.za ingedien word. Kry die reŽls op bladsy 31 van die 2020 Blouboek.

2020 NASIONALE KONVENSIE BOEKIE

Die 2020 Nasionale Konvensie Boekie is beskikbaar vir aflaai op die Liga webwerf. Klik op die skakel op die voorblad of besoek die AJV-dokumente-bladsy. Die boekie bevat die registrasievorm, die volmagvorm, die program vir die SARL-simposium, die agenda vir die SARL AJV en die lys van SARL-toekennings en trofeŽ.

DIE FINANSIňLE STATE VAN SARL VIR DIE JAAR GEňINDIG 30 JUNIE 2019

Ingevolge ReŽl 8.9.1 en 8.9.2 is die SARL-finansiŽle state vir die jaar geŽindig 30 Junie 2019 op Donderdag 31 Oktober 2019 op die Liga-webwerf gelaai en die SARL-sekretaris het op dieselfde datum 'n SARL-kommunikasie aan lede gestuur. Teen Sondag 1 Desember 2019 is slegs 7 eksemplare van die finansiŽle state afgelaai. Tydens die Raadsvergadering wat op 7 en 8 Februarie 2020 gehou is, het die Raad besluit dat 'n elektroniese stemming (ReŽl 8.9.2) gehou sal word. Geen skriftelike klagtes of navrae is teen 1 Desember 2019 ontvang nie (reŽl 8.9.3).

Die elektroniese stemming het op Maandag 17 Februarie 2020 om 00:00 SAT begin en sal op Woensdag 26 Februarie 2020 om 23:59 SAT eindig. Ten tye van die skryf van hierdie bulletin het slegs 85 van die 1 615 lede hul stem uitgebring. Volg die skakel op die voorblad van die Liga-webwerf en bring jou stem uit.

TWEE 40 METER KOMPETISIES VOLGENDE NAWEEK

Die eerste been van die SARL 95 40 m Klub Naelloop vind plaas van 12:00 tot 13:00 UTC op Saterdag 29 Februarie met GG-aktiwiteit op 7 000 tot 7 040 kHz en foon aktiwiteit op 7 130 tot 7 200 kHz. Die uitruiling is 'n RS- of RST-verslag en 'n ruit blok van vier karakters (bv. KG30). Logstate in SLEGS MS Excel-formaat moet teen 23:59 SAT op Saterdag 7 Maart ingedien word per e-pos na zs4bfn@mweb.co.za. Die reŽls is op bladsy 65 van die Blouboek.

Die gewilde SARL HAMNET 40 m Gesimuleerde Nood kompetisie vind plaas van 12:00 tot 14:00 UTC op Sondag 1 Maart 2020 met foon aktiwiteite tussen 7 063 en 7 100 kHz en 7 130 tot 7 200 kHz. Logstate moet teen 9 Maart 2020 per e-pos aan contest@peham.co.za ingedien word. Maak dit 'n Klub uitstappie met 'n bring en braai en werk as Ďn multi-operateur draagbare stasie. Kry die reŽls op bladsy 33 en 34 van die Blou Boek.

Jy luister na ʼn nuus uitsending van die Suid-Afrikaanse Radioliga

BESPREEK NOU VIR DIE SARL SIMPOSIUM

Die SARL Ontsluit Amateur Radio Tegnologie Simposium, word op 3 April in die Wanderers-konferensiesentrum in Illovo, Johannesburg aangebied. Dit begin met registrasie om 13:00 en die Simposium om 14:00. Die geleentheid word om 18:30 gevolg deur 'n skemerkelkie-aandete.

Die openings toespraak sal deur Dominic White, Hoof Tegniese Beampte, Sensepost, gelewer word. Sy aanbieding gaan oor die gemeenskaplikheid van die Ďhackerí gemeenskap en die radio amateur gemeenskap. Hy het aan SARL-nuus gesÍ, "Ons het baie in gemeen. Albei is nuuskierig van aard, albei is gebaseer op eksperimentering en albei het leer as 'n kernbeginsel. Hulle wyk egter af op een belangrike gebied, hul siening van 'die reŽls.' In hierdie praatjie wil ek kyk hoe ek en ander krakers belangstel in radio, geheel en al buite die radio amateur gemeenskap en my uiteindelike poging om 'n lisensie te kry en ander krakers gelisensieerd te kry. Ek wil ook voorstel dat sommige van die wetgewende en selfgedwonge beperkings op die radio amateur gemeenskap die ontwikkeling belemmer en 'n groter verspreide begrip van belangrike veiligheidsvooruitgang wat lei tot swak veiligheid van baie kommersiŽle radio aanbiedings belemmer deur te kyk hoe krakers die ontwikkeling van veiligheid gevorm het in ander gebiede."

Ander aanbiedings op die program sluit in: HF verdrink in die geraas, kompetisie 101, weerlig - die wanopvatting om dit alles te ontkoppel, herstel van toerusting van gister en waarom bakens saak maak! Bespreek voor 13 Maart en baat by die vroeŽ besprekings promosie. Volledige besonderhede op www.sarl.org.za

VIER GG KONTAKTE PER DAG SERTIFIKATE

Die ZS-GG-groep het 'n nuwe inisiatief begin om meer mense op GG aktief op alle bande te kry en dan aan die einde van die jaar 'n sertifikaat verdien. Maak vier GG-kontakte per dag en kwalifiseer vir die volgende sertifikate: 200 tot 250 dae - Brons sertifikaat, 250 tot 300 dae - Silwer sertifikaat en 300 plus dae - goue sertifikaat. Stuur 'n bewys van jou kontakte deur Ďn Excel-log-indiening aan Andy, ZS6ADY by andyzs6ady@vodamail.co.za of Mike, ZS6MSW by zs6msw@gmail.com.

AMSAT SA RUIMTESIMPOSIUM

Die AMSAT SA Ruimtesimposium word op 11 Julie 2020 gehou. Voornemende sprekers word uitgenooi om referate voor te lÍ deur 'n kort samevatting te stuur na admin@amsatsa.org.za voor Vrydag 28 Februarie 2020.

UITSLAE VAN DIE SARL NASIONALE VELDDAG

Die kompetisie komitee het 11 logstate ontvang vir die eerste been van die SARL Velddag, wat deur reŽn beÔnvloed is.

1ste die Highway ARK, ZS5HAM - 31 020 punte
2de die Sandton ARK, ZS6STN - 19 548 punte
3de Johannes van Zijl, ZS4DZ - 13 068 punte

Baie geluk aan die Highway ARK!

DIE WESRAND SNUFFELMARK OP 29 FEBRUARIE

As gevolg van die groot aanvraag en om 'n geleentheid te bied om aan die SARL 95 40 m Klub Naelloop op Saterdag 29 Februarie deel te neem, het die Wesrand komitee besluit om die snuffelmark 'n uur vroeŽr om 11:00 te begin. Die hekke sal om 10:00 oopmaak vir verversing en geselligheid en verkopers kan regmaak. Bespreek 'n staanplek, tafel of vir navrae, kontak Phillip, ZS6PVT by 083 267 383

HF VOORTPLANTINGSVOORSPELLING

Hannes Coetzee, ZS6BZP, berig dat die verwagte sonaktiwiteitsvlak laag gaan bly. Tans is daar geen sonvlekke sigbaar nie. Diegene wat hulle eie frekwensievoorspellings wil doen, kan 'n verwagte effektiewe sonvlektelling van een vir die week gebruik. Radio amateurs kan veral laatmiddag bruikbare DX openinge op die 15 tot 30 m bande verwag. Besoek gerus die webtuiste spaceweather.sansa.org.za vir meer inligting.

Nou die Dagboek van Gebeure vir die volgende paar weke:

Vanmiddag - die SARL RTD-kompetisie
27 Februarie - Internasionale Melktert dag
28 Februarie - sluitingsdatum vir samevatting van AMSAT SA Referate
29 Februarie - die Wes-Randse snuffelmark en die SARL 95 40 m Klub Naelloop
1 Maart - die SARL Hamnet 40 m-kompetisie
5 tot 8 Maart - Hobby-X en ZS95SARL
7 Maart - die Kaapstadse ARK snuffelmark
8 Maart - Internasionale Vrouedag en die SARL YD Naelloop
14 en 15 Maart - die SARL BHF/UHF Analoog-kompetisie en die RSGB Statebond-kompetisie

Om die bulletin mee af te sluit, Ďn opsomming van ons hoof berig:

Die SARL RTD kompetisie vind vanmiddag van 14:00 UTC tot 17:00 UTC plaas met aktiwiteite op 80, 40 en 20 meter. Die uitruiling is 'n RSQ-verslag en jou ruit vierkant (eerste 4 syfers). Logstate in ADIF-, Cabrillo- of MS Excel-formaat met 'n opsommingsblad en met die naam ďjou roepsein Digitale kompetisie,Ē moet teen 2 Maart 2020 per e-pos aan contest@sarl.org.za ingedien word. Kry die reŽls op bladsy 31 van die 2020 Blouboek.

Dit bring ons aan die einde van hierdie bulletin.

Die Suid-Afrikaanse Radioliga se nuusdiens nooi klubs en individue uit om nuus brokkies van belang vir radio amateurs en kortgolf luisteraars in te dien. Plaas nuus berigte, in beide Engels en Afrikaans indien moontlik, op die Suid-Afrikaanse Radioliga webtuiste onder die 'news inbox' skakel nie later as die Donderdag wat die bulletin datum voorafgaan nie.

Luister elke Sondagoggend om 10:00 Sentraal Afrika Tyd na "Amateur Radio Today". Daar is herleiding op 7 082 kHz laer syband en verskeie herleidings op BHF en UHF frekwensies regoor Suid-Afrika. 'n Heruitsending by Andy ZS6ADY vind op Maandae aande om 19:30 Sentraal Afrika Tyd op 3 620 kHz plaas. Ons ontvang graag jou seinrapporte, kommentaar en voorstelle, stuur 'n e-pos aan artoday@sarl.org.za.

Jy het geluister na 'n nuusuitsending van die Suid-Afrikaanse Radioliga, saamgestel deur Dennis Green, ZS4BS, geredigeer deur Johan de Bruyn, ZS6JHB en gelees deur ...........................................................

Die Afrikaanse Nuusspan wens jou alles van die beste vir die week wat voorlÍ!


Copyright © 1997- 2006  South African Radio League
Last modified: 14 April 2003