Not Logged in
SARL News Bulletin Archive



Home

Bulletin by e-mail
Bulletin Archive


SUID-AFRIKAANSE RADIOLIGA NUUS SONDAG 12 JULIE 2015

GoeiemŰre en welkom by die weeklikse nuusuitsending van die Suid-Afrikaanse Radioliga, gelees deur ________________________ (jou naam, roepsein en QTH)

Die Suid-Afrikaanse Radioliga saai elke Sondag om 08:15 Sentraal Afrika Tyd in Afrikaans en om 08:30 Sentraal Afrika Tyd in Engels landswyd 'n nuusbulletin uit op HF sowel as op verskeie BHF- en UHF-herhalers. Vir Echolink luisteraars is daar 'n herleiding deur ZS0JPL. 'n Potgooi is ook beskikbaar op die Liga se webblad.

Hierdie oudiobulletin kan van die Liga se webblad by www.sarl.org.za afgelaai word. 'n Teksweergawe van hierdie en vorige bulletins kan ook daar verkry word en jy kan ook inteken om nuwe bulletins per e-pos te ontvang.

Ons begin vanoggend se bulletin met nuus van ín stil sleutel.

Met leedwese word die afsterwe van George Honiball, ZS6NE, op 6 Julie op die ouderdom van 88-jaar aangekondig. Hy was lid van Magalies Amateurradioklub en was in die verlede 'n aantal kere voorsitter van die voormalige Tak Noord-Transvaal. Hy is ook 'n lewenslange erelid van die Suid-Afrikaanse Radioliga. George was jare lank die Raad aangestelde verantwoordelik vir SARL Nuus. Hy het 'n enorme bydrae gemaak om die weeklikse bulletin ook in Afrikaans beskikbaar te maak. George het hierdie pos eers laat vaar in April 2013.

Ons betuig ons innige meegevoel met sy eggenote Elsa, sy vier kinders, ander famille en vriende.

POUSE

In die nuus vandag

JONGMENSE OP DIE LUG 2015

NUWELINGE/ROOKIE RADIO AMATEUR PROGRAM

en

SA AMSAT 'N BELEGGING IN SONSELLE

Bly ingeskakel vir meer inligting oor hierdie en ander interessante nuus items.

** Die Suid-Afrikaanse Radioliga se maandelikse jeug net is vanmiddag om 16:00 Sentraal-Afrika Tyd op die lug op 7 070 kHz. Al die jeug word uitgenooi om aan te sluit by Koos Fick, ZR6KF, op die net. Dit is 'n ideale geleentheid vir klubs om jong mense aan amateur radio bloot te stel. Ongelisensieerde jeug kan van 'n klub stasie werk onder die toesig van 'n gelisensieerde radio amateur.

** Koos Fick, ZR6KF, die Suid-Afrikaanse Radioliga se Jeug koŲrdineerder reis op 16 Julie na Rome om deel te neem in die 5de Jongmense op die lug (YOTA) somer kamp gedurende die week van 18 tot 25 Julie 2015. YOTA 2015 word georganiseer deur die Italiaanse Amateurradiovereniging. Die geleentheid word elke jaar gehou in 'n ander Europese Unie (EU) land onder Europese Unie en die Internasionale Amateur Radio Unie Streek 1 borgskap.

Dit is die eerste keer dat Suid-Afrika gaan deelneem en die eerste keer dat lande buite Europa deelneem. Gedurende hierdie week sal die spanne van jong radio amateurs van verskeie lande deelneem aan alle soort van amateur radio aktiwiteite. Die YOTA gebeurtenis bevorder samewerkende in verskeie aspekte van amateur radio, wetenskap en elektronika. Dit is nie waar dinge eindig nie, die kinders word aangemoedig om hul taalvaardighede te verbeter en bespreek kwessies wat verband hou met kulturele bewustheid, wat 'n belangrike deel van amateur radio se vermoŽ om internasionale welwillendheid te bevorder.

Ons wil graag hierdie geleentheid gebruik om Koos al die beste vir die reis en 'n onvergeetlike week toe te wens. Koos, ons vertrou dat jy baie sal leer en baie nuwe vriende maak!

** Die Rookie radioamateur program se wiele is aan die rol! Tydens die laaste Raadsvergadering is besluit om 'n projekspan saam te stel om die implementering van die program te verwesenlik. Die projekspan bestaan uit Riaan Greeff, ZS4PR, Frik Wolf, ZS6FZ, en Etienne Naude, ZS6EFN. Hierdie projekspan is verantwoordelik vir die suksesvolle uitvoering van die doelwitte om hierdie program 'n lewensvatbare toevoeging tot die SARL strategie te gee.

Die doelwitte is:
a) Die ontwikkeling en samestelling van 'n Inlywings/verwelkomings pakket wat aan alle nuwe gelisensieerde amateurs gestuur sal word as deel van hulle inlywing as amateurs.
b) Inligtingsbron daar te stel t.o.v. die Liga se internet fasiliteite en aanlyn inligtingsbronne.
c) Ontwikkeling van nuwe en aanpassing bestaande kompetisies wat daarop gemik is om nuwe amateurs betrokke te kry in die praktiese uitvoering van die stokperdjie. Spesiale wissel trofeŽ sal ook vir die doel vrygestel word wat elke jaar tydens die AJV aan die nuwelinge wat presteer oorhandig sal word.
d) Die samestelling van 'n tegniese en praktiese handleiding wat gemik is om praktiese inligting en advies aan nuwe amateurs oor te dra en sodoende 'n grondslag te lÍ vir verdere ontwikkeling en betrokkenheid.

Die finale projek skedule, en plan is reeds afgehandel en formele afskop van die implementering begin die komende week.

** SA AMSAT het hierdie week 'n aansienlike belegging in die KLETSKOUS projek gemaak deur die plasing van 'n bestelling vir sonselle by 'n oorsee se verskaffer. Die sonselle sal gebruik word om die eerste prototipe sonpanele te bou vir die toets van die krag-eenheid.

Die elektriese krag stelsel (EKS) is die sub-stelsel wat verskeie ander stelsels en die loonvrag van krag voorsien en beheer die heffing en kondisionering van die batterye. Die eerste prototipe is getoets met panele geleen van die Denel Dynamic CubeSat-projek. "Ons sien uit na die bou van ons eie panele om die fisiese dimensie vereistes van die ruimte raam te meet," het Hannes Coetzee, ZS6BPZ, gesÍ. Fritz Sutherland, ZS6FSJ, wat die prototipe gebou het, wat hy by die onlangse SA AMSAT Ruimtesimposium gewys het, het die EKS ontwerp. Beide Hannes Coetzee en Frik Wolff, ZS6FZ, wat onlangs by die projek span aangesluit het, sal die sonpanele bou.

Die Kletskous projek word befonds deur skenkings van radio amateurs. Vir meer inligting oor die projek en te leer hoe om jou finansiŽle bydrae te maak, besoek www.amsatsa.org.za

** Die Radio Vereniging van Botswana en die Suid-Afrikaanse Radioliga het 'n Memorandum van Verstandhouding onderteken. RSB President, Leon Smit, A25SL en Liga President, Fritz Sutherland, ZS6SF, het die MvV onderteken, met die instemming van mev Cynthia Fase, uitvoerende hoof van Botswana se Buro van Kommunikasie Regulasie Owerheid.

Die MvV laat toe dat die RSB registreer as 'n eksamen sentrum en dit laat toe dat Botswana burgers studeer en die Suid-Afrikaanse RAE in Botswana skryf.

Leon, A25SL, namens die Radio Vereniging van Botswana, bedank BOCRA en die Suid-Afrikaanse Radioliga vir hierdie geleentheid.

** Soos die meeste luisteraars sal weet, bied Graham Busse, ZS6GL, en Noel Hammond, ZR6DX, 'n spesiale Klas B RAE kursus vir jong mense aan by NARS. Hierdie kursus was so lonend vir beide dosente en studente, dat 'n plan beraam moes word om op een of ander manier voort te gaan met al die entoesiasme wat geskep is. Daar is toe besluit om 'n klub te begin, veral vir die jeug. Dus, die geboorte van die Hammies Amateurradioklub, ZS6ZU. Die roepsein is deur OKOSA op Vrydag 3 Julie toegeken, net betyds vir Sondag se ZS5 Naelloop. Op Sondag het vyf jongmense deelgeneem aan die Naelloop. Hulle het elkeen 'n beurt gekry om CQ te roep, stasies te werk en die logboek te voltooi. Dit is sekerlik 'n eerste dat ongelisensieerde RAE studente deelgeneem aan 'n kompetisie van hierdie aard. Hulle het 'n wonderlike tyd gehad en het 33 kontakte onder die toesig van instrukteurs Noel, ZR6DX en Graham, ZS6GL, gemaak. 'n Groot dankie aan almal wat hierdie kontakte moontlik gemaak het.

Die Hammies Amateurradioklub sal een keer 'n maand ontmoet en sal fokus op die bevordering van 'n waardering vir amateur radio onder jong mense. Vir verdere inligting, kontak Noel, ZR6DX op zr6dx@iafrica.com, Graham, ZS6GL, op graham-busse@vodamail.co.za of Derek, ZS6DM, op derek.middleton@gmail.com. Alle jong mense is welkom om aan te sluit.

Jy luister na 'n nuusbulletin van die Suid-Afrikaanse Radioliga.

** Meer as 17 000 besoekers het die 40ste Ham Radio konvensie, wat van 26 tot 28 Junie 2015 in Friedrichshafen gehou is, bygewoon. Daar was ongeveer 200 uitstallers uit 38 lande wat 'n omvattende beeld van ons stokperdjie weergee het. Verskeie PowerPoint en gesinchroniseerde klank lesings van Ham Radio 2015 is beskikbaar op die webwerf an die DokumentÍr Argief by www.dokufunk.org/index.php?lang=EN. Die 41ste Ham Radio sal plaasvind vanaf 24 tot 26 Junie 2016 by die Messe, Friedrichshafen.

** Elke radioamateur het sekere mylpale wat hy/sy graag in die loop van tyd wil behaal. Een van baie sulke mylpale moet wees om die Hamvention in Dayton, Ohio in die VSA te gaan bywoon. Die huidige ekonomiese klimaat en swak Rand maak dit moeilik vir 'n individu om op sy/haar eie die Hamvention te gaan bywoon, maar as jy dit as 'n groep kan bywoon deel jy die kostes en kan so 'n toer meer bekostigbaar aangebied word.

Etienne Naude, ZS6EFN, het in samewerking met 'n toer operateur 'n meer bekostigbare toer pakket saamgestel wat daarop gemik is om amateurs die geleentheid te gee om die Hamvention 2016 wat vanaf 20 - 22 Mei 2016 in Dayton Ohio, VSA aangebied word te gaan bywoon.

Sou jy belangstel moet jy so gou moontlik met Etienne in verbinding tree by etienne@afrigrid.com of 082 553 0542. Luister ook na Amateur Radio Today en Amateur Radio in Aksie vir meer besonderhede oor die beplande toer.

** Die Winter QRP Kompetisie is op die lug op Saterdag 18 Julie vanaf 12:00 tot 15:00 UTC met gelykgolf en foon aktiwiteit en 5 watt of minder uitset. 'n Stasie kan een keer per band, per modus gewerk word en daar is geen antenna beperkings nie. Die eerste uur is beperk tot die 40 m band en in die oorblywende twee ure, is deelnemers vry om enige HF (nie-WARC) band te gebruik soos hulle goeddink.

Die uitruiling is 'n RS of RST verslag en ruitverwysing. Oorweeg dit asseblief om realistiese sein verslae uit te ruil. Gebruik asseblief die volle 6-karakter ruitverwysing, bv. KG43eu. Met DX kontakte kan die ruitverwysing inligting uitgelaat word, die RS (T) verslag sal aanvaarbaar wees. Elke kontak tel 1 punt. Elke Suid-Afrikaanse roepgebied tel as 'n vermenigvuldiger en elke DXCC land gewerk tel as 'n vermenigvuldiger. Tipe stasie vermenigvuldiger - x 1 vir tuis stasies; x 2 vir draagbare stasies en x 3 vir ultra ligte draagbare veldstasie.

Logstate moet teen 25 Julie 2015 ingedien word per e-pos aan contest@sarl.org.za. Kry die volledige stel reŽls in die 2015 Blouboek.

** Aansoek om lidmaatskap van die Suid-Afrikaanse Radioliga is ontvang van:

Cesar Alex Artieda de la Sotta, HB9DRI; John Andrew Steed, ZS1NDY; Lourens Swanepoel, ZSL1161; Rina Koopman, ZSL1162 en Abraham Frederick Mulder, ZSL1163.

Enige besware teen die aanvaarding van lidmaatskap-aansoeke moet die Sekretaris bereik voor of op die Dinsdag na hierdie bulletin. Tot op datum het 1 073 lede hulle lidmaatskap hernu en 25 klubs het hulle affiliasie hernu.

** In die voortplanting verslag, Hannes Coetzee, ZS6BZP, berig dat die verwagte sonaktiwiteitsvlak laag gaan wees. Sonvlek AR2376 het 'n komplekse magnetiese veld en kan M-klas sonfakkels oplewer. Diegene wat hulle eie frekwensievoorspellings wil doen, kan 'n verwagte effektiewe sonvlektelling van ongeveer 64 vir die week gebruik.

Amateurs kan veral laatmiddag en gedurende die aande goeie openinge op die 20 tot 15 m DX bande verwag. Besoek gerus die webtuiste spaceweather.sansa.org.za vir meer inligting.

En nou vir die dagboek van gebeure

12 Julie - die Jeug Net vanmiddag om 16:00 op 7 070 kHz
13 Julie - sluitingsdatum vir ZS5 Naelloop logstate
18 Julie - die Winter QRP kompetisie
18 tot 25 Julie Ė die 5de Jongmense op die Lug Somer kamp in ItaliŽ
25 Julie - sluitingsdatum vir die Winter QRP logsstate
25 en 26 Julie - die RSGB se Eilande op die Lug kompetisie
2 Augustus Ė die Suid-Afrikaanse Radioliga HF Foon kompetisie

Om hierdie bulletin te beŽindig, 'n herhaling van ons belangrikste item in die nuus vanoggend

** Die Suid-Afrikaanse Radioliga se maandelikse jeug net is vanmiddag om 16:00 Sentraal-Afrika Tyd op die lug op 7 070 kHz. Al die jeug word uitgenooi om aan te sluit by Koos Fick, ZR6KF, op die net. Dit is 'n ideale geleentheid vir klubs om jong mense aan amateur radio bloot te stel. Ongelisensieerde jeug kan van 'n klub stasie werk onder die toesig van 'n gelisensieerde radio amateur.

** Die Suid-Afrikaanse Radioliga se nuusdiens nooi klubs en individue uit om nuusbrokkies van belang vir radioamateurs en kortgolfluisteraars in te dien. Plaas nuusberigte indien moontlik, in beide Engels en Afrikaans op die Suid-Afrikaanse Radioliga webtuiste onder die Ďnews inboxí skakel nie later as die Donderdag wat die bulletindatum voorafgaan nie.

Luister elke Sondagoggend om 10:00 sentraal Afrika tyd na "Amateur Radio Today". Daar is herleiding op 7 082 kHz laer syband, 7 205 en 17 660 kHz AM en verskeie herleidings op BHF en UHF frekwensies regoor Suid-Afrika. 'n Potgooi deur Dick, ZS6RO, is ook beskikbaar. 'n Heruitsending vind op Maandae om 18:30 sentraal Afrika tyd op 3 230 kHz plaas.

Ons ontvang graag jou sein rapporte, kommentaar en voorstelle, stuur 'n e-pos aan artoday@sarl.org.za. Sentech borg die uitsendings op die nie-amateurfrekwensies.

Jy het geluister na 'n nuusuitsending van die Suid-Afrikaanse Radioliga, saamgestel deur Dennis Green, ZS4BS, geredigeer deur Etirnne Naude, ZS6EFN en gelees deur ...........................................................

Die Afrikaanse nuus span groet nou en wens jou `n mooi week toe. Totsiens

73's en dankie vir die luister

/ EX


Copyright © 1997- 2006  South African Radio League
Last modified: 14 April 2003